الاثنين، 14 نوفمبر 2011

No Shit Seyasy قالك

أستجابة لدعوات حركة لا للمحاكمات العسكرية للمدنيين و مصرين و حملة أفرجوا عن علاء تضامن عدد من الألمان و المصريين في ألمانيا في مدينتي فرانكفورت و دوسلدورف في وقفتين إحتجاجيتين للمطالبة بتوقف المجلس العسكري عن ممارساته تجاه المدنيين . https://www.facebook.com/event.php?eid=143488255751337

في فرانكفورت بدأت برسالة من القاهرة تم ترجمتها إلي العديد من اللغات منها الألمانية و قام بتداولها نشطاء ألمان من خلال صفحة Echte Demokratie jetzt أو ديموقراطية حقيقية الآن ثم علي صفحات أحتلوا برلين و أحتلوا فرانكفورت و أحتلوا دوسلدورف "http://newsempoerenvernetzenveraendern.wordpress.com/2011/11/03/agyptische-revolutionare-bitten-die-welt-sie-mit-einem-internationalen-aktionstag-zu-unterstutzen-das-militar-hat-den-entwurf-einer-verfassung-vorgelegt-die-die-entscheidende-macht-den-generalen-vo/

و تزامن توقيت هذه المبادرة مع تظاهرات كبيرة نظمتها حركة Attac و أحتلوا occupy ضد سياسات البنوك في يوم 12.11.2011 بمدينتي برلين و فرانكفورت فلم تخلوا المدينتين من تضامنات النشطاء الألمان ففي دوسلدورف قام ناشط ألماني بعمل صفحة يدعو فيها إلي التضامن مع علاء عبد الفتاح و قد قام بإرسال الصور و فيديوهات من أحتلوا دوسلدورف تضامنا مع المصريين

وفي فرانكفورت قمنا بعمل وقفة في المدينة ثم قام عدد منا بالمشاركة بعد وقفتنا مع حركة أحتلوا فرانكفورت و Attac أمام البنك التجاري و البنك الألماني و غيرها من البنوك في منطقة البنوك السخيفة حيث قام المتظاهرين بعمل سلسلة بشرية لمحاصرة المنطقة و الوقوف معا علي طريقة نشبك إيدينا و نروح الجنينة ليقولوا للعاملين في مجال البنوك و السياسيين و الإقتصاديين أنهم محاصرون لأنهم هم الواحد في المائة من الشعب . و الشعبهو ال 99 في المائة

في الكلمة الأخيرة للمظاهرة كنت قد دعيت مسبقا لإلقاء كلمة عن مصر و عن الثورة المصرية و تأثيرها علي أسبانيا و حركات الإحتجاج مثل أحتلوا وول ستريت كان همي أن أقول فيها بعضا مما يلي من النقاط لأن الحديث بالألماني و لا مؤاخذة ملخبط من التوتر :

-إن الثورة المصرية كان الهتاف فيها عيش حرية عدالة أجتماعية و أن هذا هو ما توجه من مصر لأسبانيا و اليونان و أمريكا

- أن الوضع في مصر غير رائع بالمرة في حوالي 12 ألف أمام محاكم عسكرية و من النشطاء علاء و مايكل نبيل سند

لا مؤاخذة
-الجيش مدعوم من أمريكا و سياساته الإقتصادية من البنك الدولي زي المخلوع و أصحابهم و يملك ثلث الإقتصاد تقريبا ( يعني من الآخر الغرب هو اللي فاشخنا عشان محدش يزايد و يقولي أنت عميل و أجندة )

هذه كانت أهم النقاط التي ذكرتها و ختمت ببيت أبو القاسم الشابي و لا مؤاخذة سخنتهم و قولتلهم معركتكم ضد (الرأسمالية والسياسيين المعرصين) معركتنا

بعد المظاهرة جالي عدد من الناس منهم مجموعة متضامنة مع مايكل نبيل سند و بنت من منظمة العفو الدولية وواحد راسم لثورة مصر اللي بنشتم فيها ليل نهار لوحة و أداني كارت مرسوم عليها اللوحة دي و بعدين قابلت مصري قبطي قاللي متكلمتش عن الأقباط و أتكلمت عن المحاكمات العسكرية بس ليه؟ , كان مبسوط لكن بردو كان عايز صوته يوصل و حس إني خذلته و أنا للأسف موصلتوش من اللبخة أكيد أغلب الناس اللي تعرفني تعرف رأيي في موضوع ماسبيرو و رأيي في مجزرة الجيش.

وبعدين تحركت للقاء علي التلفزيون الألماني في برنامج مهم حبقي أرفعه بعدين ثم إلي محل تركي مع صديقي أمير اللي قال لي خلاص بقيت ناشط سياسي دي حتبقي نهاية صداقتنا بصراحة معاه حق لو تحولت لناشط سياسي أو No Shit Seyasy حتبقي فعلا حاجة بضان !


آسف للقاريء علي المقال اللي نصه لغة عربية ونصه عامي و علي الشتايم اللي في النص لكن أنا مش معجب بالقواعد اللغوية و مبحبش أمشي علي


السطر


فيديو من دوسلدورف عن علاقة العسكر بالمواطن في مصر (مش عملاء دول مجرد مواطنين مبيحبوش الظلم في ألمانيا و غير ألمانيا ) :http://www.youtube.com/watch?v=WjkcnZtoHfg


أحب أشكر رافايله علي صورة علاء المرسومة دي :https://www.facebook.com/photo.php?fbid=2404241278784&set=a.2404210798022.126284.1633702617&type=3&theater

رافايله مواطنة ألمانيا من تشيلي جت هي و بنتها الصغيرة عشان تتضامن معانا وهي مش أجندة و مش عميلة و مش من أغنياء ألمانيا لكن من الناس الجميلة اللي بنشوفها في ميدان التحرير و مبنصدقش أنهم موجودين في الحقيقة !

ودي كلمتي بالألماني : https://www.facebook.com/photo.php?v=10150925598495037


الثورة مستمرة لسة مخلصناش